Pigsunad kan Nobyembre 14, 2025 kan abogadong si Atty. Eldrige Marvin Aceron an pirang reklamong administratibo asin kriminal kontra ki Senator Chiz Escudero sa Office of the Ombudsman.
Pasado alas-dyis nin pagkaaga kasuudma kan pigsunad an mga reklamong igwang kinaaraman soboot sa salang paggamit nin pondo asin korapsyon kan senador kan ini gobernador pa sana kan Sorsogon.
Partikular na pigreklamo an senador sa pagbalgar sa RA 3019 o an Anti-Graft and Corrupt Practices Act, Technical Malversation, Frauds Against Public Treasury, asin Falsification of Public Documents.
Apwera pa ki Sen. Escudero, kaibahan man sa pigreklamo kan abogado an mga miyembro kan Bids and Awards Committee, Provincial Accountants, Provincial Treasurer asin iba pang opsiyal sa probinsiya kan Sorsogon.
Sigun ki Atty. Eldrige Marvin Aceron, an reklamo an huli kan saiyang pananaliksik sa pigluwas na Commission on Audit Annual Audit report kan Sorsogon kan 2021.
Huli digde saiyang pigpaliwanag an mga reklamong pigsunad sa Ombudsman kontra ki Senador Chiz Escudero.
Pigtawan-duon kaini na posibleng mapakol sa pigkakarkulong 352-milyon Piso an kantidad kan nahiling na korapsyon o sistematikong iregularidad asin salang paggamit sa pondo kan Sorsogon kan gobernador pa an lehislador.
Mientrastanto susog sa report ni Atty. Aceron mantang pigsusuri man kaini an mga report kan taong 2022 asin 2023
an 2021 Annual Audit Report kan Commissions on Audit an maitutukdo na ‘pinaka-low hanging fruit’.
Sa ibong kaini marurumduman na kan nakalihis sana pigsunad man ni Atty. Marvin Aceron an ‘ethics complaint’ sa Senado kontra sa lehislador.
Ini an huli sa pag-ako ni Sen. Escudero kan nasa 30 million pesos campaign donation kan 2022 gikan sa sarong may sadiri kan construction firm na nakakua kan proyekto sa Bicol.
