Nagluwas nin pangapudan an Archdiocese of Manila tanganing magin mapagmatyag, kalmado, asin mapanuri an publiko sa tahaw kan matinding krisis sa moral asin espirituwal na naeeksperyensiya kan nasyon.
Kasabay na man ini kan pigkundusir na mga mahewasang hiro protesta kan manlaen-laen na grupo kontra sa katiwalian asin mangapudan kan transparency asin accountability sa gobierno.
Basado sa pastoral letter ni Manila Archbishop Jose Cardinal Advincula, padagos an paglaganap kan salang impormasyon asin mensaheng nagkakawsa kan karibungan orog na sa social media.
Huli digde, hinimok kan simbahan an gabos na imantinir na nakaangkla sa katotoohan asin dae magpadara sa mga pangapudan na naglilihis sa ley asin sa Konstitusyon.
Pagirumdom man kaini sa publiko na surion an kada impormasyong narereseber asin likayan an pagpapakuriyat kan dae beripikadong balita.
Nangapudan man an simbahan sa mga nasa sandatahang lakas, kapulisan, asin lingkod-bayan na imantinir an katapatan sa saindang trabaho asin sa Saligang Batas.
Sa huri, pig-eenkaminar kan kardinal an publiko na ipangadye an Pilipinas na manggana an integridad, katotoohan, asin katarungan.
