Pig-anunsiyar kan manlaen- laen na grupo na makasa sinda kan mahewasang hiro-protesta kontra sa korapsyon sa Luneta.
Kasabay ini kan pigsasagibong rally sa EDSA Shrine sa November 30, Bonifacio Day.
Susog sa report, kairiba an mga demonstrasyon kan mga parasira, paratukdo, kajovenan, kawani kan gobierno, asin iba pang organisasyon an masagibo kan serye kan hiro-protesta.
Sigun ki Bayan Muna Partylist Representative Teddy Casino na pigtatanggap ninda an pagbaba kan pirang opisyal kan gobyerno sa saindang pwesto alagad pigtawan duon kaini na an saindang pangapudan magbaba sa pwesto sinda Pangulong Ferdinand ‘Bongbong’ Marcos Jr. asin Vice President Sara Duterte na soboot pinaka may paninimbagan sa gabos na problema kan nasyon.
Pigtawan-duon man na dae magigin makabuluhan an anuman na imbestigasyon mantang namamantinir sa puwesto an Presidente asin iba pang halangkaw na opisyal na soboot sangkot sa katiwalian.
Dugang pa ninda, magigin bukas an programa sa gabos kan sektor, alagad magigin strikto sinda sa mga grupo na may politikong iniidolo o mga pro-Marcos asin pro-Duterte.
