NAGA CITY- Pigreport kan Police Regional Office Bicol na naarestrar kan saindang hepatura an nasa 106 na most wanted persons sa Rehiyon puon Nobyembre 17 hasta 23.
Sigun ki PRO-5 Director Nestor Babagay Jr. an kasuarin sanang aresto an kinababalihan kan sarong regional-level fugitive, duwang provincial-level, 13 municipal-level, asin 90 local-level na wanted persons.
An trayumpo kan operasyon nagpapahiling sa epektibong koordinasyon asin intelligence-driven crackdown.
An regional-level wanted person an pig-arestrar kan Basud municipal police station, Camarines Norte provincial police, asin provincial office kan Criminal Investigation and Detection Group.
Katakod digde, pig-orgulyo man ni Babagay an professionalism asin dedikasyon kan saindang mga personaheng imbwelto sa nasambitan ng operasyon.
Dugang pa an trayumpo na ini an pagpapahiling kan dae matitinag na commitment kan mga kapulisan. Sa ngunyan, pigsaysay kan opisyal na mapadagos sinda sa pagsusog sa mga kriminal tanganing maproteheran an komunidad sa Rehiyong Bicol.
