Nagpakol na sa 159 katao an natukoy na nagadan sa malagim na kasulo na nangyari sa Wang Fuk Court sa northern Tai Po district, Hong Kong.
Kan Miyerkules (Dec. 4), nagluwas na nin ‘interim wrap-up’ report an Hong Kong authorities makalihis soboot makumpleto an paghahanap asin man paghahalughog sa bilog na pasilidad.
Sa 159 na nahanap na lawas, 140 na digde an natukoy an pagkakabistuhan mantang an iba an padagos pang pigbibisto. Kinababalihan ini kan 91 na babae asin 49 na lalake.
Basado pa sa report, sarong 97-anyos na indibidwal an natukoy na pinakagurang na nagadan mantang an pinakahubin iyo an sarong one-year-old baby.
Sa ibong kan nasambitan ng report, dae hinali kan Hong Kong authorities an posibilidad na madugangan pa an numero kan mga binawian nin buhay.
Sigun ki Hong Kong Police Commissioner Joe Chow, may mga nahiling pang ‘suspected human bones’ na kinakaipuhan pang mag agi sa forensic testing para sa confirmation.
