Aram baya nindo mga ka-bombo, sarong charity event sa Switzerland nagpurbar na maibulsa an Guinness World Record sa paagi kan pag-assemble sa mural na gibo sa 300,000 Lego bricks.
An nasambitan ng mural, na igwang sukol na nag-aabot sa 79 feet an laba asin labi 6 feet an langkaw an pig-assemble komo parte kan Swiss Telethon, na nagtitipon nin kwarta para sa mga indibidwal na igwang kakaibang genetic na helang.
An mural na ini an pig-assemble sa Yverdon-les-Bains, na nagpapahiling kan manlaen-laen na lokasyon sa North Vaud region kan Switzerland.
Ini man an pigdesinyo asin pig-assemble kan Brickmaster.ch, sarong Concise-based company na igwang kakayanan sa pagbilog nin mga aktibidad na igwang kinaaraman sa Lego.
Sa ngunyan, an natapos na artwork an kaipuhan na i-review kan Guinness World Records tanganing opisyal na maibulsa an titulo para sa largest Lego mural.
