Pigbuyagyag ni Department of the Interior and Local Government (DILG) Secretary Jonvic Remulla an soboot pagtatago ni dating Bureau of Corrections (BuCor) Director General Gerald Bantag sa kabundukan kan Cordillera Administrative Region.
An dating heneral an pigtutukdong mastermind sa paggadan sa beteranong broadcaster na si Percy Lapid, pirang taon na an nakakalihis. Sa sarong entrevista, sinaysay ni Remulla na si Bantag an pinoprotehiran kan mga lokal na tribo sa mga lugar kun saen ini nagtatago.
Dae soboot naggagamit nin cellphone an dating opisyal asin paburu-balyo sana nin pigdadagusan sa nasambitan ng rehiyon nin dae naggagamit nin mga lunadan.
Sa presente igwang P2 million na reward money para sa pagkaka-arestar ni Bantag. Ini an primero pang ini-alok kan Department of Justice (DOJ) asin kan National Bureau of Investigation (NBI) kan nakalihis pang Hunyo 2023, haros sarong taon magpuon kan masuspendir ini komo BuCor chief.
Kaiba ni Bantag na inakusaran sa nasambitan ng krimen an saiyang dating deputy na si Ricardo Zulueta. Igwa man nin P1 million na patong kaidto sa payo kan nagadan na dating BuCor official.
