Aram baya nindo mga ka-bombo sarong grupo kan mga researcher gikan sa Canada an nakadokumento kan sarong bihirang kaso kun saen an sarong babaeng polar bear inampon an sarong cub na dae soboot kaparientes asin ulila.
Sigun sa nonprofit group na Polar Bears International, pigbugtakan nin tracking collar an sarong babaeng polar bear na Igwang kaibahang sarong cub kan tagsibol, alagad kan liwat ining mahiling kan taglagaas, duwa na an cub na haros mag-edad an kaiba kaini.
An ina na polar bear, na nabisto komo X33991, kaibahn sa Western Hudson Bay polar bear sub-population. Sigun sa mga researcher, sa labi 4,600 bear na gikan sa sub-population ini na an pinag-aadalan sa nakalihis na kabangang siglo, asin ini pa sana an ika-13 na nairehistrong sarong ina na nag-ampon nin ulilang cub.
Sigun man ki Evan Richardson, sarong research scientist gikan sa Environment and Climate Change Canada, makusog an maternal instincts kan mga polar bear.
Pigsaysay man kan mga researcher na nagkua sinda nin genetic sample gikan sa inampon na cub tanganing matukdo kun ano an nangyari sa tunay kaining ina.
