Kumpyansa si Senador Ping Lacson na mahigot na susunudon kan Ombudsman an nakatalaan na panahon o deadline sa pagsunad kan kaukulang kaso kontra sa mga indibidwal na sangkot asin responsable sa soboot anomalya sa proyekto kan flood control.
Sigun sa saiya, dapat sana na isunad an kaso sa Sandiganbayan kun igwang sapat asin matibay na probable cause o batayan tanganing ipadagos an pagdangog.
Dugang pa ni Senador Lacson na an agarang pagsusunad kan kaso mapadara kan sarong malinaw na mensahe sa publiko na mayong siisay man na nagkukurakot sa kaban kan bayan an makakasalbar asin makakatakas sa paninimbagan sa batas.
Pigtawan duon kaini an importansiya kan marekas na pag-aksiyon sa kaso, orog na sa presenteng panahon kun saen pigsusuri asin pinag-aadalan an prosopwestong budget para sa taong 2026, sa ibong kan mga ginigibong lakdang asin pagsisikap tanganing malikayan an mga inaapod na ‘pork barrel’ asin mga ‘insertions’ sa budget.
Kun kaya Dapat isunad an kaso sa Sandiganbayan kun may probable cause.
