Liwat nagkaigwa nin pag-uulay sinda US President Donald Trump asin Israeli Prime Minister Benjamin Netanyahu.
Sa pigsagibong meeting sa Mar-a-Lago resort sa Florida pinag-ulayan kan duwang lider an ikaduwang yugto kan saindang US peace plan sa Gaza.
Piglalaoman na maeenkaminar pa orog ni Netanyahu si Trump na magin agresibo sa mga kalaban kan Israel.
An ikaduwang parte kan ceasefire an kinababalihan kan dagusang pagdis-arma sa mga Hamas asin pagpuon kan reconstructions asin pagtitindog kan post-war governance.
Advertisement
Puon kan pigpautob an ceasefire deal kan Oktubre nagpakol sa 400 na mga Palestino an binawian nin buhay huli sa ginibong paghihigot kan Israel.
Advertisement
