Bumuwelta an kampo ni dating Ako Bicol Party-list Rep. Zaldy Co na iligal an pagkumpiskar sa mga mamahalong lunadan na konektado sa dating lehislador.
Sigun sa abogado ni Co na si Atty. Ruy Rondain, bigong magpahiling an mga awtoridad nin anumang legal na dokumento para sa pagsasagibo nin nasambitan ng operasyon kan haputon kaini kun igwang search warrant an mga ini.
Kinumpiskar man soboot an mga susi kan nasa 34 na lunadan. Sinaysay man soboot kan mga awtoridad na igwa sindang naresiber na alarma gikan sa Land Transportation Office (LTO), na nangangahulugang hot car o kinarnap an mga lunadan.
Digde hinapot kan abogado kun sisay an nagreklamo huli ta dae man soboot nagereklamo an maysadiri.
An nagin simbag soboot sa saiya ginigbo sana soboot kaini an pigsugosa sainda. Pighurot man ni Atty. Rondain na dae pwedeng i-justify an iligal na operasyon sa paagi kan subsequent warrant of seizure. Saysay pa kan abogado, tinakot asin pagkatapos idinetine soboot an driver kan saiyang kliyente sa laog kan labi sa 12 oras.
Katakod man kaini, sinaysay kan abogado ni Co na masunad sinda nin kaso laban sa mga personalidad na imbwelto sa pagkumpiskar nin mga lunadan asin nagkulong sa mga driver nin mayong warrant.
Marurumduman, dinara kan PNP, BOC asin Southern Police District an 12 mamahalong lunadang konektado ki Co sa compound kan Independent Commission for Infrastructure (ICI). Kun saen walo digde an sakop kan seizure warrant mantang natatada man an kinumpiskar huli sa alarma gikan sa LTO.
