Kusang pigsumiter ni Philippine Army Col. Audie Mongao an saiyang sadiri pabalik sa military control, sigun sa saiyang commander.
Marurumduman hinali sa pwesto si Mongao makalihis bawion an suporta ki Presidente Ferdinand Marcos Jr. kun saen pigsabi kaining nawaraan na soboot nin “moral ascendancy” an Presidente para magin sarong commander-in-chief.
Sigun ki Army Training Command director Maj. Gen. Michael Logico, haloy an saindang nagin pag-uulay ni Mongao asin nagpahayag soboot ini nin bilog na kooperasyon sa saindang imbestigasyon.
Dae naman pigdetalye pa ni Logico an dapit sa soboot voluntary submission ni Col. Mongao.
Enot ng pigsaysay ni Army spokesperson Col. Louie Dema-ala na kahagadan pa kan militar an posibilidad kan pagsunad nin administrative asin legal charges.
Nanindugan an Malacañang na pigtawan nin due process o patas na proseso an kaso ni Col. Mongao.
