Nanindugan si US President Donald Trump na kaipuhan makua kan Amerika an Greenland tanganing mapugulan an Russia asin China na gibuhon ini.
Pigtawan duon kan US President sa Greenland asin pigsabing gigibuhon ninda ini sa madali o sa masakit na paagi.
Naenot ng pighayag kan White House kasuarin sana na pigkokonsederar kan Trump Administration na “bakalon” an Greenland na kontrolado kan Denmark komo autonomous territory alagad dae kaini pighahali an opsyon na gibuhon ining annex sa pwersang paagi.
Siringman, kapwa pigtawan duon kan Denmark asin Greenland na bakong “for sale” an nasambitan na teritoryo. Nagbabala man an Denmark enkaso maglunsar nin military action sa saindang nasyon magigin hudyat ini kan pagwawakas kan defense alliance na North Atlantic Treaty Organization (NATO), kun saen kapwa kasapi kan US asin Denmark.
Nagkapirang ulit na man sinabi ni Trump na importante an lokasyon kan Greenland sa pambansang seguridad kan Amerika, kun saen ini napapalibutan soboot kan barko kan China asin Russia sa gabos kan sulok alagad mayong sapat na ebidensiya sa alegasyong ini ni Trump.
Napagtahawan man an Greenland kan North America asin Arctic kaya magayon na lokasyon ini para sa early warning systems enkaso may missile attacks asin para mamonitor an mga lunadang pandagat na nag-aaligid sa rehiyon.
Sa irarom kan nag-iiral na kasunduan sa pag-ultanan kan Amerika asin Denmark, may kapangyarihan an US na magdara nin dakol na tropa sa Greenland kun gugustuhon ini.
Sa sarong statement man kan Biyernes, liwat pigtawan duon kan Greenland party leaders kaibahan kan oposisyon, an saindang pagtutol na mapasairararom sa kontrol kan Amerika asin pigtawan duon na an kinabukasan kan Greenland dapat pagdesisyonan kan mamamayang Greenladic.
