Bugoy Cariño pigheras an ekpersyensiya kan pagigin sarong ama sa amay na edad

Pig-ako kan dating miyembro kan Hashtag na si Bugoy Cariño an saiyang pagbasol sa pagigin ama sa amay na edad alagad narealisar na an gabos na nangyayari igwang rason.

Sigun ki Bugoy saiyang pigkokonsederar an 7-anyos na aki sa karelasyon na si volleyball player EJ Laure na sarong biyaya.

Dugang pa kan aktor mas nagin kampante an saiyang utak asin mas nagin focus sa saiyang pamilya.

Pigheras pa kaini na an pagigin ama nagdara nin kadakol na pagkanood sa saiyang buhay komo sarong indibidwal.

Mientrastanto, pigheras man ni Bugoy na nakakua sinda nin kritisismo gikan sa publiko alagad mas pinili na protektrahan an saiyang pamilya.

Sa ngunyan, kamawotan na sana kaini na magdakulang marhay na tawo an saiyang aki na si Scarlet.