NAGA CITY – Sarong lalaki an nadukayan gadan sa Holy Rosary Minor Seminary Arches kan nakalihis na Dominggo.
Sa entrevista kan Bombo Radyo Naga ki PCPT Daisy Angeles Public Information Officer kan Naga City Police Office bandang alas 7:25 nin pagkabangge kan Enero 11, 2026 sarong maatendiran nin misa an nag-agi sa hallway kan Holy Rosary Minor Seminary Arches kan mahiling an mayo na nin buhay na lalaki.
An nadukayang mayo na nin buhay residentes kan Canaman, Camarines Sur.
Pigpatotoohan kan security guard asin mga paratinda nin kandila na an nasambitan na hallway an nagigin pahingaluan kan nanutaran na gadan kada udto.
Basado man sa imbestigasyon kan pulisya 20 taon na ini dae nagpupuli sa sainda asin ini mentally ill.
Sa ibong na lado pigrekomenda kan pulisya an autopsy alagad pigsayumahan naman ini kan pamilya huli ta mayo man nahiling na foul play sa insidente.
Sa ngunyan dae pa matukdo an ikinagadan kan biktima.
