Pig-anunsiyar ni US President Donald Trump an pagpataw ng 25% na taripa sa mga produktong gikan sa mga nasyon na may commercial ties sa Iran.
Sarong lakdang na orog malaag nin pressure sa Iran kasabay kan nagpapadagos na mga protesta kontra sa gobierno na ikatolong semana na.
Susog sa sarong pahayag, pigsaysay ni Trump na tolos magigin epektibo an magigin epektibo an taripa dawa dae nagtao nin detalye kun ano an pigtutukdo kaining “pakikipag-negosyo” asin sinaysay pa kaining pinal na an nasambitan na kasuguan.
Sa ngunyan mayo pang pigbugtak na impormasyon an White House dapit sa taripa kaibahan an mga nasyon na pinakamatinding maapektaran kan imports.
Alagad, sa presente, an China an pigkokonsederar na pinakadakulang trading partners kan Iran, pigsundan ini kan Iraq, United Arab Emirates, Turkey asin India.
An panibagong taripa kasunod kan banta ni Trump na makikiaram an Amerika enkaso gadanon kan Iran an mga nagpoprotesta.
Sigun sa White House Spokeswoman Karoline Leavitt, kaibahan sa saindang pigkokonsederar an military options kaibahan an airstrikes.
