Pigreport kan Bangko Sentral ng Pilipinas (BSP) na naglangkaw nin 10.3 porsiyento an outstanding loans kan universal asin commercial banks (U/KBs) para sa mga negosyo asin indibidwal kan nakalihis na Nobyembre 2025.
Basado sa paenot na datos kan BSP, nagtitinir na matatag an paglago kan bank loan year-on-year kan nakalihis na Nobyembre.
Sa seasonally adjusted basis, sinaysay kan BSP na naglago man nin 0.9 porsiyento an outstanding loans year-on-year sa nasambitan ng panahon.
Sigun sa BSP, nagluya nin bahagya an pag-uswag kan loans sa mga residente sa 10.7 porsiyento kan nakalihis na Nobyembre gikan sa 10.9 porsiyento kan nakalihis na Oktubre.
Sa ibong kaini padagos man na nagbaba an loans sa mga non-resident, na nagsadit nin 4.5 porsiyento, mas hababa kumparar sa 11.1 porsiyentong contraction kan nakalihis na bulan.
Naglangkaw man nin 9.0 porsiyento an mga pautang para sa mga negosyo.Kaibahan sa mga sektor na nakapagtala nin paglangkaw sa lending an real estate aactivities (9.0 porsiyento); electricity, gas, steam, asin air-conditioning supply (26.6 porsiyento); wholesale asin retail trade, kaibahan an pagpapakarhay kan mga lunadan asin motorsiklo (11.6 porsiyento); financial asin insurance activities (3.5 porsiyento); information and communication (7.0 porsiyento); asin transportation and storage (12.7 porsiyento).
Mientrastanto, an consumer loan siring kan credit card receivables, motor vehicle loans, asin general-purpose salary loans, naglago man nin 22.9 porsiyento kan nakalihis na Nobyembre, bahagyang mas hababa kumparar sa 23.1 porsiyento kan nakalihis na Oktubre.
Sigun pa sa BSP, padagos kaining pigbabantayan an bank lending huli ta saro ini sa importanteng daluyan kan implementasyon kan monetary policy.
Hihingowahon man soboot kan BSP na masierto na an domestic liquidity asin kondisyon kan pagpapautang kan mga bangko an nagtitinir na naayon sa obheto kaining mamantinir an price stability asin financial stability.
