Nagpagirumdom an sarong eksperto sa mga simpleng lakdang sa salud para malikayan madapuan kan super flu, sarong variant kan influenza A.
Sigun ki Dr. Evalyn Roxas, infectious disease specialist kan UP Manila, an tamang kalinigan, responsableng gawi, asin bakuna an premirong depensa kontra sa influenza.
Kaibahan sa mga lakdang na ini an marekas na paghuhugas kan kamot, tamang paagi kan pag-abo asin pagbahing asin pagsusulot nin face mask kun nakamati nin mga sintomas.
Dugang pa kaini, dae kaipuhan iuntok an tradisyunal na pagmamano basta’t may tamang kalinigan, asin importante man magtinir sa harong enkaso may helang tanganing dae makahawa sa iba.
Pigbanggit man kan infectious disease expert na an matawong lugar mas halangkaw an peligro, orog na sa mga may maluyang immune system, kaya pigpapagirumdom na likayan an matatawong lugar sa siring na panahon.
Sigun pa digde an taunang flu vaccination epektibo asin lubos na pigrerekomenda tanganing maproteheran an sadiring laban sa influenza.
Mientrastanto, pigtawan duon kan DOH asin eksperto sa publiko na an simpleng kalinigan asin responsableng pag-uugali an pinakamabisang paagi tanganing malikayan an “super flu.”
Enot ng piglinaw kan DOH na bakong bagong helang an super flu asin an mga sintomas kaini mayong pinagkaiba sa pangkaraniwang trangkaso siring kan abo, sipon, kalintura asin pangungulog kan hawak.
