Pig-abisuhan ni Senate President pro-tempore Ping Lacson si Congressman Leandro Leviste na maghinay-hinay sana sa pirmeng pagluwas nin bareta dapit sa mga pigbubuyagyag kaini sa mga anomalya sa mga proyekto kan Department of Public Works and Highways (DPWH).
Sigun ki Lacson, nagpadara nin mensahe sa saiya si Senator Loren Legarda, ina ni Leandro, tanganing maghagad nin tabang na mapayuhan an neophyte congressman na magkalma muna.
Pigheras pa ni Legarda na naghihibi si Cong. Leandro sa saiya huli sa labing balik o batikos sa kongresista makalihis na ibuyagyag an mga impormasyon dapit sa kapot na files gikan sa DPWH.
Huli ta bagito pa sa politika, aram kaini na kulang pa an impormasyon kan kongresista sa kawat na nangyayari sa presente.
Dugang pa ni Lacson ki Leviste, dapat bakong uru-aldaw na nasa bareta ini huli ta nakakasawa soboot kun enkaso pirmeng nahihiling sa telebisyon orog na ta pigtutubudan man kan senador na igwang intensyong i-selensyo an aking kongresista huli sa mga panraraot sa saiya.
