Pig-enkaminar kan International Criminal Court (ICC) an personahes kan Philippine National Police (PNP) na magtestigos kontra ki dating Presidente Rodrigo Duterte.
Sa sarong statement, nag-apelar an ICC tanganing direktang magtestigos sa mga insidente katakod sa pig-aakusar na crimes against humanity sa dating Presidente katakod sa war on drugs kaibahan an mga miyembro kan pambansang pulisya asin iba pang law enforcement agencies na imbwelto sa mga insidente na naglutang na asin makipag-ulay sa mga miyembro kan opisina.
Nagtao man nin sarong online form an ICC kun saen pwedeng magsumiter an mga testigo kan saindang mga reklamo.
Marurumduman, sa kasagsagan kan kampaniya kontra iligal na droga sa irarom kan administrasyong Duterte, nagsirbing hepe kaidto kan PNP si Sen. Ronald Dela Rosa, na hasta ngunyan, dae pa man nagpapahiling sa publiko kasunod kan mga report na arrest warrant kontra sa saiya gikan sa ICC.
