Aram baya nindo mga ka-Bombo, pigtugotan kan magurang an saindang aki na magpundo na sa pagklase tanganing makapagkawat nin video games.
Sigun sa report, an aki an nasa 13-anyos pa sana asin binistong si alyas “Tarou”.
Nagluwas kaya soboot na matibay an aki sa pagkakawat nin video game na Fortnite asin pigkokonsiderar ini na sarong “prodigy” o expert sa kawat maski ini aki pa.
Nagpuon ining magkawat kan ini three years old pa sana asin pag-abot kaini nin eight years old, dinaog na kaini an mga professional Fortnite players.
Tulos man ining nakakua nin labi 230,000 subscribers sa YouTube.
Rason man kan ama, an paglaog sa eskwela an nakakaubos sana nin enerhiya kan aki na dapat kudta na pigtagama sa training.
Ibinida kaini an “exceptional concentration” kan aki, kun saen minsan, nagkawat ini nin 28 hours nin dagos-dagos na dae nagbuhat asin nagkakan.
Siring man, banga an opinyon kan publiko; mantang igwang nagtutubod sa esports potential kan aki, kadakol an nagsasabing pighabonan kan mga magurang an aki nin normal na childhood, social skills, asin maoogmang eksperyensiya na dae matutumbasan kan video games.
