Nagheras nin matinding excitement an negosyante asin producer na si Sam Verzosa makalihis kaining ibuyagyag sa social media an saiyang pakikipag-ulay sa mga Hollywood executives para sa sarong dakulang pelikula na planong gibuhon sa Pilipinas.
Dakol netizens an naogma asin naglalaom na an proyekto makakatabang tanganing liwat pasiglahon an lokal na industriya kan pelikula.
Sa presente, kapansin-pansin an aktibong kolaborasyon kan mga karatig-nasyon siring kan South Korea asin Japan, na sunud-sunod an mga drama series na nagluluwas sa Netflix.
Saro sa pinakabagong halimbawa an Can This Love Be, sarong magian na drama na apwera sa istorya nagtatao man nin exposure sa magagayon na tanawon kan Korea.
Kun madagos an plano ni Verzosa, ini pupwedeng magin dakulang lakdang para maipahiling na an nasyon komo destinasyon kan mga global film productions.
Mientrastanto, nagtitinir na tuninong si Verzosa sa mga usapin dapit sa saiyang personal na buhay, kaibahan na an mga spekulasyon kun totoong suhay na sinda kan aktres na si Rhian Ramos.
Sa ngunyan, nakatutok an publiko sa posibilidad na mahiling an mga Hollywood stars na mag-shoot kan pelikula sa Pilipinas ngunyan taon.
