Labi 200 katao an binawian nin buhay makalihis na magrasay an sarong minahan sa Rubaya, sirangang parte kan Democratic Republic of Congo, sigun sa rebel authorities sa rehiyon.
Sigun ki Lumumba Kambere Muyisa, tagapagtaram kan rebel governor kan North Kivu, nagbagsak an minahan kan Miyerkules huli sa labing pag-uran.
Kaibahan sa mga nagadan an mga kababaihan, aki asin artisanal miners na nagmimina kan coltan, sarong mineral na ginagamit sa paggibo nin mga elektronikong aparato siring kan smartphones asin computers.
Sarong dating supervisor kan minahan an nagsabi na dae pakarhay an pagmantinir kan site, na nagpadali sa aksidente asin nagpasakit sa rescue efforts.
Dugang pa kaini, an malumoy na daga sa lugar an orog na nagpalala sa sitwasyon.
Pigkakarkulong 20 survivors an presenteng pigbubulong sa ospital.
Puon kan 2024, kontrolado kan M23 rebels an mga minahan, asin pig-akusaran sinda kan United Nations kan pag-impose nin buwis sa pagmimina para sa sadiring kapakinabangan.
