Nakapuli na sa saindang istaran sa Minneapolis an 5-anyos na si Liam Conejo Ramos asin an saiyang ama na si Adrian Alexander Conejo Arias makalihis ma-detain kan Immigration and Customs Enforcement (ICE) sa Texas, sigun ki Texas Congressman Joaquin Castro.
Pig-anunsyar ni Castro na pinalibre na an mag-ama gikan sa Dilley detention center asin nakaabot na sinda sa Minnesota.
Napag-araman na an pagpapalibre kan mag-ama an nangyari makalihis na tawan nin emergency order kan US District Judge Fred Biery an pamilya.
Sa saiyang desisyon, binatikos ni Biery an pagkakakulong kan nasambitan ng mag-ama asin nangapudan nin mas marhay asin makatawong proseso sa immigration.
Depensar man kan ICE na dae ninda target an mag-ama, nagkataon sana na winalat kan ama an saiyang aki aalagad pigtawan duon man kan abogado kan pamilya na sinunod kan mag-ama an tamang proseso kan asylum, naglaog sa US kan 2024 sa legal na paagi, naggamit nin CBP One app, nag-atender sa mga appointment, asin pigpresentar an saindang sadiri sa Customs and Border Protection.
Harayo sa sinaysay kan Department of Homeland Security (DHS) na ilegal na naglaog an mag-ama sa US.
Sa suhay pa na post kan ICE sa social media, pigpahimutikan kaini na na-detain an aki.
Pigdepensaran kan DHS asin ICE an saindang nagin operasyon asin pigsasabi na nagdulag an ama ni Liam, alagad maski pigpahimutikan kan pamilya an alegasyong na ini.
Mientrastanto, nag-post man sa social media si Minnesota Congresswoman Ilhan Omar kun saindang pig-omaw kaini an mag-ama.
