Pighurot ni Senate President pro-tempore Ping Lacson an mas regular na random checks sa mga ambulansyang nagpapamalo-malo na igwang emergency orog na tuyong rush hours.
Katakod naman ini sa sarong ambulansyang nag-agi sa EDSA Busway sa may Santolan station na pinara kan Special Action and Intelligence Committee for Transportation kan DOTr alagad basado sa nagluwas sa imbestigasyon, bakong pang-emergency na gamit an ambulansya kundi komo shuttle service sa mga pasahero na magpapacheck up.
Pigtawan duon pa ni Lacson, an mga drivers kan ambulansya na mayo man lunad na emergency patient an dapat na dakupon, bawion an lisensya asin kasuhan kun kaipuhan.
An mga siring na lunadan na naggagamit kan makukusog na mga wang-wang an bako lang nakakasuya kundi pwede man na magdara nin peligro sa mga commuters.
Naenot naman na nagsuhestyon si Lacson na baliktadon an direksyon kan mga bus na nag-aagi sa EDSA busway tanganing malikayan na maabuso kan mga lunadan na magpupurbar na mag-agi sa nasambitan ng lane.
