Nagsumite nin panukalang batas si Leyte Rep. Ferdinand Martin Romualdez para bawasan an bilang kan mga nagagadan huli sa Cancer sa nasyonsa paagi kan mga programa sa amay na deteksyon sa helang.
Sa irarom kan House Bill No. 7942 o an Cancer Risk Screening and Awareness Act, obheto ni Romualdez asin ni Tingog Party-list Rep. Jude Acidre na gibuhong institusyonal asin libre an screening sa mga barangay.
Enot na tututukan kan program an breast, cervical, colorectal asin prostate cancer.
Mantang ipinagtaong- doon man ni Romualdez na base sa datos kan Philippines Statistics Authority (PSA), na saro an cancer sa mga pangenot na rason kan kagadanan sa Pilipinas huli sa late diagnosis.
Sigon sa opisyal an amay na pag-aram sa helang an bako lamang magsasalbar nin buhay kundi magpapababa man ini sa gastos sa pagpapabulong na kadalasan nagpapadifisil sa mga pamilya.
Papakusugon man kan batas an papel kan mga barangay health workers sa paagi kan mga training sa cancer prevention asin patient support.
