Nagpapakusog an Departamento nin Agrikultura (DA) kan mga interbensyon sa merkado tanganing maprotehiran an mga konsumedor asin mga prodyuser sa posibleng paglangkaw kan presyo sa tahaw kan padagos na kariribokan sa Middle East.
Sa sarong pahayag, sinabi ni Agriculture Secretary Francisco Laurel Jr. na orog nindang pinapakusog an saindang monitoring sa mga presyo asin nagbubuo man nin contingency plan para maseguro an mga esensyal na supply.
Segun sa sekretaryo, partikularmenteng nakatutok an gobyerno sa pagsierto na igwang supisyenteng pagkakan asin farm inputs tanganing makatagal sa biglaan o grabeng paglangkaw kan presyo huli sa epekto kan kariribokan sa Middle East.
Sinabi niya na dawa ngani garo supisyente na an lokal na supply sa ngonian, an prayoridad kan gobyerno iyo an estabilidad tanganing dae maapektaran an mga kaharongan kan global changes.
An lakdang kasunod kan datus hale sa Philippine Statistics Authority (PSA) na nagpahiling na an inflation sa mga top 30% income households sa nasyon nag-abot sa 2.5% kan Pebrero ngunyan na taon.
