Pignegaran kan Bureau of Corrections (BuCor) an alegasyon na may scabies o galis outbreak sa mga persons deprived of liberty (PDLs) sa New Bilibid Prison (NBP) sa Muntinlupa o sa iba pang piitan asin penal farm sa nasyon.
Ginibo an pahayag kan BuCor makalihis na magmawot an political prisoner group na Kapatid na tugutan an tulos na paghahatod nin mga bulong asin sanitation campaign para sa mga PDL. Sigon man kay BuCor Acting Director for Health and Welfare Services Ma. Cecilia Villanueva, duwang taon an nakakalihis kan nakapagrehistro nin scabies outbreak sa piitan.
Ipinagtaong-doon niya na katabang kan BuCor an International Committee of the Red Cross sa paglulunsar nin “alis galis” activity, asin igwang sinusunod na protocol sa pagresibe nin mga bulong.
Sinabi pa ni Villanueva na segurado an BuCor na makakaresponde ini sa mga health-related concerns sa laog kan correction facilities.
