Preparado na an PNP Pasacao para sa papa abuton na summer season. Sigon ki PMaj Michael Vincent Fortunado, an Chief of Police kan Pasacao Municipal Police Station, nakipagmiting na an pulisya sa LGU tangning pag urulayan an deployment kan multiple force multiplier asin uniformed personnel kan Pasacao MPS apwera pa sa mga tourist police an PNP.
An Pasaco, iyo an summer capital kan probinsya nin Camarines Sur, saro sa mga dinadayong lugar tuyong tag init alagad kinumpirmar Ni Maj.
Fortunado na yaun an tourist pulis tanganing magpatrolya sa mga resorts sa banwaan tanganing mamatiner an katuninongan asin kasalbaduhan bako sana kan mga taga pasacao kundi maging kan mga bisitang madayo pa gikan sa manlainlain na lugar. Katuwang man digdi kan hepatura kan PNP an Maritime police asin an Philippine coast guard.
Pagirumdom na sana kan opisyal na bantayan an mga gamit huli ta linalaoman na madagsa an mga bisita sa banwaan asin tangnaing dai mawaran gamit dai pagpabayaan an mga ini tanganing dai mabiktima nin salisi.
Para man sa mga may kaibanan nin mga aki asin senior citizens, maging marigmat sa pagbabantay sa mga ini tanganing maibitaran an ano man na dai pinaglalaoman na insidente.
