Ipapautob kan Philippine National Police (PNP) an “One Strike Policy” sa mga kumander kaini manungod sa mga road obstructions ngunyan na Semana Santa.
Segun ki PNP Spokesperson PBGen. Randulf Tuaño na sa inspeksyon kan PNP sa mga tren, simbahan asin malls ngunyan na aldaw, na apwera sa mga iligal na nakaparada na behikulo, naheling man ni PNP Chief General Jose Melencio Nartatez an mga obstruksyon kan nagkapirang mga paratinda na nagkawsa nin inconvenience sa nagkapirang mga motorista asin nag-aaragi.
Sigon ki Tuaño, pigmanduan na ni PNP Chief Nartatez an mga station commander asin hepe kan pulis na tulos na ipaapod an mga asosasyon nin mga paratinda tanganing linigon an mga tinampo, urog na kun bako man lehitimong permit payers an mga ini.
An one-strike policy kan PNP sarong mahigot na polisiya kun saen an saro sanang pagbalgar sapat na tanganing tulos na matawan nin padusa an sarong opisyal o pulis, lalo na an mga nasa posisyon arog kan mga station commander o hepe kan pulis.
