Mas pinakusog kan Persons with Disability Affairs Office (PDAW) sa Camarines Norte an kampanya kontra sa diskriminasyon, pang-bully, asin paggamit nin pekeng PWD ID.
Sa intrevista kan Bombo Radyo Naga ki Dr. Rex A. Bernardo, ED.D (Provincial Department Head, Persons with Disability Affairs Office, Camarines Norte), saiyang sinabi na may mga nairehistrong reklamo nin diskriminasyon kontra sa mga PWD poon kan 2024 sagkod Mayo 2026, kabale na an denial of transportation asin defamation, na tulos na inaatubang sa lebel kan mga ahensya asin iba pang barangay.
Ipinaliwanag man na sarong unified PWD ID system na may security features asin QR code an pig-iimplementar para maibitaran an palsipikasyon, kasabay kan eksistidong database kan DOH para sa mga PWD.
Tinawan nin duon na an mga mabalgar kan ley contra discrimination contra PWD sa irarom kan RA 9442 asin RA 7277 may multa asin pagkakakulong.
Mientrastanto, padagos an pagtao kan PDAO nin serbisyo arog kan assistive devices, wheelchairs, asin hearing aids sa mga kwalipikadong PWDs sa probinsya.
