Nangapudan si Parañaque City 2nd district Rep. Brian Raymund Yamsuan nin mas pinakusog na mental health support sa mga State Universities and Colleges (SUCs) sa tahaw kan nagtataasan na bilang kan mga jovenes na nakakaeksperyensya nin Anxiety asin Depression.
Sa irarom kan saiyang ipigsunad na House Bill No. 7354, ipigtutulod an pagtatag nin Mental Health Office (MHO) sa gabos na SUCs na magkaigwa nin campus hotline asin mga trained guidance counselors tanganing magtabang sa mga estudyanteng may pinag-aagihan nin mental health concerns, lalo na an mga posibleng nasa peligro nin self-harm o suicide.
Segun ki Yamsuan, obheto kan propwesto na punan an kakulangan kan mga programa para sa mental health kan mga college students na nag-aatubang baku sana sa Academic Pressure kundi pati sa stress, depresyon, bullying asin mga problemang kawsa kan trabaho o pagkarayo sa pamilya.
Base sa mga pag-aadal, nasa 7.5% kan mga kabataang Pilipino na edad 15 hasta 24 an nakaeksperyensya nin suicidal thoughts, na mas doble kompara sa 3% kan 2013.
Mientrastanto, nalangkaw man sa 11% gikan sa dating 7% an bilang kan mga nakakaeksperyensya nin depression.
