Naglalaom an House of Representatives of the Philippines na dai maaapektaran kan sigalot sa Senate of the Philippines an nakatakdang impeachment trial ni Vice President Sara Duterte, kasunod kan pagbisto kaini sa liderato ni Senator Sherwin Gatchalian komo Acting Senate President.
Segun ki Deputy Speaker Paolo Ortega, nautob na kan Kamara an saindang konstitusyonal na obligasyon katakod sa impeachment proceedings asin handa na sindang ipagpadagos kan Senado an masunod na yugto kan proseso.
Dugang pa ni Ortega an halangkaw na interes kan publiko sa nasabing pag-urulay. Segun sa saiya, base sa saindang lokal na sentiment survey, labi sa 86 porsiyento kan mga respondent an naghahapot kun nuarin mapoon an impeachment proceedings. Maski may hidwaan sa duwang kampo ninda Senator Sherwin Gatchalian asin Senator Alan Peter Cayetano, tinawan doon ni Ortega na dai ini dapat magin dahilan tanganing maudlot an paglilitis.
Tinawan doon kan Deputy Speaker na mahalagang matawan nin kasimbagan an mga kahapotan kan publiko manungod sa mga alegasyon laban sa Bise Presidente, ano man an magin resulta kan paglilitis sa Senado.
Nakatalaan poonan kan Senado an Impeachment Trial ni Vice President Duterte sa Hulyo 6, kun sain piglalaoman na tatalakayon asin dadangugon an mga reklamong ipigsunad laban sa saiya.
