Gadan an dae mababa sa 13 katao sa magkahiwalay na pag-atake kan Russia asin Ukraine kan nakalihis na aldaw.
Sa parte kan Ukraine, tinarget kan Russia an mga siyudad kan Zaporizhzhia, Odesa, Kharkiv, Sumy, Donetsk, asin Kryvyi Rih, na nagresulta sa pagkagadan kan mga sibilyan asin pagkaraot kan mga edificio.
Sa ibong na lado, ipigreport kan Russia na sarong sibilyan an nagadan sa Belgorod Region huli sa shelling na ginibo kan Ukraine. Segun sa mga ulat, gumamit an Russia nin guided bombs, missile strikes, asin drone attacks na nagdulot nin grabeng danyos asin nakapagrehistro nin danyos sa labi 50 katao.
Sa Odesa, nagtama an missile strike sa imprastrukturang sibilyan, mantang sa Sumy region, tulo katao an nagadan sa aerial bomb attack.
Mientrastanto,base sa report kan Moscow, tinarget kan Ukraine an nagkapirang cargo ships sa Sea of Azov, na ginagamit sa transportasyon kan agricultural products asin mga suplay pasiring sa Crimea.
Padagos an pagtindi kan tensyon sa gyera na labi apat na taon nang nagtatao nin epekto, kun sain nagbabala an United Nations na an Hunyo 2026 an pinakamadugong bulan para sa mga sibilyan magpoon pa kan Abril 2022.
