Pigtutulod kan mga Senador JV Ejercito asin Risa Hontiveros an tulos na pagpasar kan Senate Bill No. 2 o an Masterplan on Infrastructure and National Development (MIND) Act, na may katuyuhan na magin mas areglado, transparent, asin sustainable an implementasyon kan mga infrastructure projects.
Sigon ki Ejercito, makakatabang an bill na maparikas an pag-uswag kan manlaen-laen na rehiyon, makamukna nin mas dakul na trabaho, asin maibitaran an mga iregularidad sa pagpili asin implementasyon kan mga proyekto sa imprastraktura.
Sesegurado man suboot kan bill na padagos an mga importanteng proyekto sa imprastraktura dawa magbago an administrasyon.
An MIND Act may katuyuhan man na tapuson an last-minute budget insertions sa bicameral conference committee asin tawan nin mas dakulang papel an mga lokal na gobyerno asin regional development councils sa pagdeterminar kan mga prayoridad na proyekto sa saindang mga lugar.
Mientras tanto, importante man suboot si Hontiveros na magkaigwa nin komprehensibong masterplan ngani na maibitaran an mga dae kinakaipuhan, magastos, asin kuestionableng mga proyekto.
Sinabi kaini na kun mayo nin malinaw na plano, nagigin maribok an paggastos kan gobyerno asin posibleng dai makasimbag sa tunay na pangangaipo kan mga komunidad.
Sa lindong kan bill, gigibuhon man an sarong long-term infrastructure plan tanganing giyahan an gobyerno sa pagpili, pag-implementar, asin pag-monitor kan mga mayor na proyekto sa bilog na nasyon.
