Pinakusog kan Department of Social Welfare and Development (DSWD) Bicol, paagi sa Sustainable Livelihood Program (SLP), an kabuhayan kan mga mangingisda sa coastal barangays kan Gumahang asin Matongog sa Aroroy, Masbate.
Ini matapos na maigawad sa mga parasira an puhunan para sa pagbakal nin mga motorized boat asin iba pang kagamitang pangsira na makakatabang sa pagpapauswag kan saindang pangabuhian.
Nakaresibi nin P520,000 na seed capital an Sanjogu Farmers and Fisherfolk Sustainable Livelihood Program Association (SLPA), habang P440,000 naman an natanggap kan Matongog SLPA. Ginamit kan duwang asosasyon an pondo sa pagbakal nin mga motorized boat asin mga kagamitan para sa pagsisira
Dugang pa digdi, sumailalim man an mga benepisyaryo sa iba-ibang capacity-building interventions tanganing masiguro an epektibong pagdumara asin pagpapalago kan saindang mga livelihood projects.
Kan nakaaging bulan, pormal nang inilunsad kan duwang asosasyon an saindang micro enterprises. Dinaluhan an aktibidad kan mga kawani kan DSWD Bicol, katuwang an Local Government Unit kan Aroroy, Municipal Social Welfare and Development Office, asin Municipal Agriculture Office.
Paagi sa SLP, padagos an suporta kan DSWD Bicol sa paghatag nin oportunidad sa mga komunidad tanganing mapaunlad an kabuhayan asin mapakusog an kapasidad kan mga benepisyaryo.
