Pinag-iisipan ni U.S. President Donald Trump an paglunsar nin mas malawak na pag-atake kontra Iran habang padagos na nagtataas an tensyon sa pagitan kan Washington asin Tehran.
Segun kay Trump, harani na siyang makapagdesisyon manungod sa sarong tinatawag niyang “massive attack” na posibleng mas dakula pa kaysa sa mga naunang operasyon kan Estados Unidos kontra Iran. Sinabi kan Presidente kan Amerika na nakapreparar an saindang mga puwersa para sa posibleng aksyon habang padagos an kaguluhan sa rehiyon.
An pahayag ni Trump nag-abot pagkatapos kan sunod-sunod na palitan nin pag-atake sa pagitan kan Estados Unidos asin Iran, kaiba an mga opensiba kontra sa mga target sa Iran asin an pagganti naman kan Tehran sa mga pasilidad asin interes kan Amerika sa rehiyon.
Mientrastanto, sinabi kan gobyerno kan Iran na an padagos na mga pag-atake kan Estados Unidos nagkawsa nin mas dakulang peligro sa seguridad kan rehiyon. Nagpahayag man nin pagkabalisa an ibang mga lider asin pandaigdigang organisasyon na pwedeng lumawak pa an kariribokan asin magkaigwa nin mas dakulang epekto sa Gitnang Silangan.
Apwera sa direktang tensyon sa pagitan kan duwang bansa, naapektuhan na man kan krisis an pandaigdigang kalakalan asin suplay nin enerhiya. Nagtaas an presyo kan langis huli sa pagdakula kan pangamba sa seguridad kan importanteng rutang pandagat, kaiba an mga dalan na ginagamit sa pag-transportar nin langis.
Padagos na minomonitor kan pandaigdigang komunidad an sitwasyon mantang may mga bansang nangangapudan para sa diplomatikong solusyon tanganing malikayan an mas dakula pang paglala kan kariribokan.
