Tinawang-duon ni UP Diliman Professor Danilo Arao na dapat tutukan kan media asin publiko an mga ebidensiya asin importanteng isyu sa padagos na impeachment trial ni Bise Presidente Sara Duterte, imbes na an mga emosyonal na eksena asin verbal exchange sa senado.
Sa intrevista kan Bombo Radyo Naga kay Dr. Danilo Arao, Professor | UP Diliman College of Media and Communication, sinabi kaini na siyam na aldaw na an paglilitis alagad enot na article of impeachment pa sana an napag-olayan, na iyo an pig-uulayan an suboot Betrayal of Public Trust katakod kan alegasyon nin Grave Threats sa nagkapirang opisyales kan gobyerno.
Importante suboot na ipaliwanag kan media sa publiko an konteksto kan mga alegasyon asin bako sanang magtutok sa pagreport nin mga drama, shout matches, o iba pang kontrobersyal na eksena sa laog kan Senado.
Tinawan duon man ni Arao na dapat magin patas an mga Senator-Judges asin ibase sa ebidensya an saindang mga desisyon. Idinugang pa kaini na an impeachment bako sanang sarong legal na proseso kundi sarong political issue na nagtetesting kan kakayahan kan sarong opisyal na magdanay sa pwesto.
Si Arao nag-enkaminar sa publiko na padagos na bantayan an mga masunod na yugto kan impeachment trial, orog na an mga isyung may kinaaraman sa confidential asin intelligence funds. Nangapudan man ini sa media na padagos na magreport nin responsable para sa mas hararom na pagkasabot kan mga tawo.
