Inirehistro na binakal kan American businessman na si Josh Kushner asin dating Disney executive na si Bob Iger an Los Angeles Lakers sa kantidad na $12.5 billion.
Naaraman na kukuhunon nina Kushner asin Iger an controlling interest sa Lakers hali kay Mark Walter, na nagbakal kan majority stake sa koponan hali sa pamilyang Buss sa kantidad na $10 billion kan Oktubre 2025.
Sinabi nina Kushner asin Iger na dakulang onra para sa sainda an maging bagong tagapamahala kan saro sa pinakabistong basketball teams sa mundo.
Nangako man sindang ipagpapadagos ninda an karangalan kan Lakers asin papakusugon an relasyon kan koponan sa mga tagahanga asin sa Los Angeles.
Mientrastanto, sinabi ni Walter na saro sa pinakadakulang karangalan kan saiyang buhay an pagsadiri kan Lakers, asin nagtutubod siyang dakol pang ganahan an naghahalat sa koponan.
Bago an pagbakal sa Lakers, nairehistro na kabali sina Kushner asin Iger sa mga interesadong grupo na nagmamawot makakua an NBA expansion team sa Las Vegas.
An Lakers, na establisar kan 1947, an nakapagkawat sa 32 NBA Finals asin nagkampeon nin 17 beses, panduwa sa Boston Celtics na may 18 titulo.
