Nagpadara an Pilipinas nin 40 portable power generators tanganing tabangan an mga komunidad na apektado kan padagos na pag-atake sa imprastraktura nin enerhiya kan nasyon.
An mga Daiden generator, na an lambang saro may kapasidad na 6 kilowatts, nag-abot sa sarong hub kan Ministry of Energy of Ukraine kan Agosto 12.
Gagamiton ini para sa mga sibilyan na katuyuhan, kabali an backup na kuryente para sa mga pasilidad na kritikal sa mga komunidad.
An inisyatiba sa katawohan nagpoon pagkatapos kan sarong pagtiripon kan Pebrero sa pag-ultanan kan Ukrainian Ambassador Yuliia Fediv asin Senador Erwin Tulfo, na nagtabang sa pag-abante kan proyekto.
An mga generator idinonar kan Highball Traders Inc. Ipinadara sinda hale sa Pilipinas pasiring sa Port of Gdansk sa Poland bago ipinadara sa Ukraine sa paagi kan rescEU Donations Scheme kan European Union Civil Protection Mechanism, sa tabang kan Governmental Strategic Reserves Agency kan Poland.
An mga generator piglalaoman na makakatabang na mamantenir an suplay nin kuryente sa mga kritikal na pasilidad asin mapakusog an kakayahan kan mga komunidad na ipadagos an saindang mga mahalagang serbisyo sa tahaw kan mga pag’atake sa imprastraktura nin enerhiya kan Ukraine.
