Dai mababa sa walong tawo an nagadan makalihis an makusog na pag-uran sa sirangan na Hapon na nagcausa nin grabeng pagbaha, pagguho nin daga asin pagkawara nin kuryente sa labing 20,000 na mga harong sa Chiba Prefecture.
Sinabi kan mga awtoridad na labing 100 milimetro nin uran an nag-uran sa Chiba poon kan Huwebes na hapon—haros tolong beses an average na kantidad nin uran sa bilog na bulan nin Agosto.
An lakop na pagbaha naka-stranded nin rinibong pasahero, kaiba na an mga nasa Narita Airport.
Nagkapirang mga serbisyo nin tren asin mga mayor na tinampo an sinuspinde man.
Labi sa 100,000 na mga harong an inabisuhan na mag-ebakwar makalihis an makusog na pag-uran na nagkawsa nin landslide asin pagkawara nin kuryente.
Sinabi kan Japan Meteorological Agency na an makusog na uran dara kan mainit, mahamog na aire na nagbobolos pasiring sa malipot na masa nin aire sa atmospera.
Nagpatanid an mga awtoridad na nagdadanay an peligro nin pagbaha asin landslide sa lugar, dawa ibinaba na an emergency alert hale sa Level 4.
