Abante na si Aryna Sabalenka sa Round of 16 kan nagpapadagos na Cincinnati Open matapos pabagsakon si Wang Xinyu.
Inabot sana nin 20 minuto an World No. 1 tanganing tapuson an primerong set, 6-1, sa tabang kan dominanteng kawat kaini.
Bagaman mas haloy an inabot kan ikalduwang set, nangibabaw pa man an kusog kan tennis champion asin dagos na ining tinapos sa reaches na 6-3—agihan tanganing mag-abante ini sa fourth round kan WTA 1000 Cincinnati Open.
Haros dae makapalag an 36th-ranked tennis star na si Wang sa kaskas asin liksi ni Sabalenka.
An panibagong pagganang ini an ika-45 trayumpo kan World No. 1 sa Masters 1000 level.
Sunod na hahampangon ni Sabalenka sa 4th round an Czech star na si Sara Bejlek, na nag-abante matapos daugon si Ekaterina Alexandrova sa opensiba kaining 4-6, 6-1, 6-2.
