8 gadan sa pagbagsak kan charter plane sa Western Alaska

Walo an gadan matapos na bumagsak an sarong charter plane sa Western Alaska.

Segun sa Federal Aviation Administration, hale sa Anchorage, Alaska asin pasiring sana sa Cape Newenham an Cessna 441 na eroplano kan ini bumagsak.

Sinabi ni Clint Johnson, hepe kan National Transportation Safety Board Alaska region, na kabali sa mga biktima an duwang piloto asin an anom na pasahero.

An nasabing eroplano sarong civilian-contracted flight na may kargang walo katawo.

Pira na sanang minuto antes mag-landing an eroplano sa Cape Newenham Airport, na sarong Air Force airstrip, kan bigla ining bumagsak.

Sa ngunian, padagos an imbestigasyon kan mga awtoridad tanganing maisihan an tunay na kawsa kan pagbagsak kan eroplano.