Nagpoon na liwat nin limitadong workout an NBA star na si Jimmy Butler mantang nasa kasagsagan kan offseason.
Nasa recovery stage ngunyan an Golden State Warriors forward matapos an saiyang anterior cruciate ligament o ACL injury kan Enero 2026.Sa ngunyan, mayo pa nin clearance an batikang forward para mag full-contact practice, kaya limitadong workout pa sana an tinutugutan sa saiya.
Kaiba sa mga ginigibo ni Butler ngunyan an mga light shooting asin stationary ballwork. Pero an mga major workout arog kan full sprinting asin contact drills, sunod pa sa schedule kan batikang manlalaro.
Naging matagumpay an operasyon ki Butler kan Pebrero 2026 asin inaasahang makakabalik siya sa pagkawat sa midseason o katahawan kan NBA regular season.
Posibleng mangyari ini sa huring parte kan 2026 o sa enot na parte kan 2027, pero nakadepende pa man giraray sa progreso kan saiyang rehabilitation.
Bago an injury ni Butler, namantiner an saiyang average na 20.0 points, 5.6 rebounds, asin 4.9 assists kada game.Sa katatapos na season, nakapagkawat siya bilang starter sa 38 games asin namantiner an episyenteng 51.9% shooting.
