Nagdesisyon an anom na miyembros kan New People’s Army (NPA) na sinasabing kabali sa natatadang pwersa kan PLTN 2, KLG1, SRC2, BRPC na nag-ooperar sa banwaan nin Caramoan, Camarines Sur na magbalik loob sa gobiyerno.
An anom na indibidwal nagsuko kan Agosto 13, 2026 sa barangay Patag Belen sa banwaan nin Caramoan asin kaibanan sinda nagsuko sa gobyerno nin duwang 45 cal. mga pistol na may bala, tolong anti-personnel Improvised Explosive Devices (IEDs), sarong 9mm Luger Mobtec KG9, sarong Molotov, asin M14 na bala.
Sa saindang pakikipagtabangan sa gobyerno asin sa impormasyon na itinao kan saro sainda, nakumpiskar kan tropa kan gobyerno an dugang na M16 rifle, sarong M4‐type rifle, sarong M14 riffle asin mga bala sa parte kan barangay Maligaya kan parehong banwaan.
An anom na dating rebelde maagi sa Enhanced Comprehensive Local Integration Program (E-CLIP) para sa tulos na tabang pinansyal, kabuhayan asin remunerasyon sa saindang mga isinuko na armas, 901st Infantry Brigade Commander BGen.
Pigsierto ni Emil Cruz na dae babayaan kan gobyerno an anom na indibidwal asin gigiyahan an mga ini sa pagtogdok kan saindang panibagong buhay.
BGen.
Pigbisto man ni Cruz an Local Government Unit kan Caramoan, an pwersa kan pulis asin an 83rd Infantry Battalion sa sunod-sunod na kapangganahan laban sa insurhensya sa Camarines Sur.
