Nakatalaan na akoon kan Philippine Air Force (PAF) an pitong S-70i Black Hawk helicopter.
Sinabi ni PAF spokesperson Col. Ma. Christina Basco na an pitong Black Hawk helicopter kabali an 32 helicopter na binakal kan gobyerno bilang parte kan modernization program.
Gigibuhon an turn-over, acceptance, asin blessing ceremony sa 250th Presidential Airlift Wing Hangar sa Col. Jesus Villamor Air Base sa Pasay City.
Magigin pangunahing pandangal sa nasabing turn-over si PAF Commanding General Lt. General Arthur Cordura.An mga bagong helicopter makakadugang sa kapasidad kan Air Force sa pagsasagibo nin paglilipat kan mga sundalo asin personnel.
Kabali man digdi an humanitarian assistance asin pagresponde sa panahon nin mga kalamidad.Dugang pa ni Basco, an mas dakulang Black Hawk helicopter matao sa PAF nin mas marikas na air support para sa national defense asin emergency operations.
