Ipinahayag ni Pope Leo XIV kan Miyerkules na an mga pag-iriwal sa Middle East an nagpurbar sa relasyon kan mga Jewish asin Kristiyano, na idinugang na an magkaibang pananaw sa nagpapadagos na karahasan an nagpapurisaw sa dayalogo alagad dai ini naraot.
Sa sarong bagong dekreto tanganing markahan an nakaaging 60 taon kan mga paghihingowa kan Simbahan Katolika sa inter-religious dialogu , inotro man kan Santo Papa an pagkokondenar kan Simbahan sa antisemitismo asin Islamophobia.
An dekreto, na ipinagluwas tanganing markahan an anibersaryo kan sarong dokumento kan Simbahan kan 1965 na lakop na kinredito sa pagpapakarhay kan mga siglo nin pagkauri sa pag-ultanan kan mga Jewish asin Kristiyano, dai nagbanggit nin arinman na partikular na iriwal sa Middle East.
Si Leo, an pinakaenot na papa na namundag sa U.S., nagkritika na kaidto sa Iran war, na nagkawsa nin kaanggotan ni Presidente Donald Trump sa social media.
An dekreto kan Miyerkules an nagladawan sa pakikipaglaban sa antisemitismo komo sarong “shared struggle” para sa mga Hudyo asin Kristiyano. Sinabi man kaini na an mga pagtubod nin Islamophobia “fail to distinguish” sa pag-ultanan kan mga kaso nin ekstremistang karahasan asin kan pang-aroaldaw na buhay kan mga Muslim sa kinaban.
