Idinagos kan mga mambabatas kan Pakistan-administered Kashmir an eleksyon tanganing maghalal nin bagong presidente asin mapunan an constitutional office na halos walong bulan nang bakante.
Dakul an posibilidad na manggana sa eleksyon an kandidato kan ruling Pakistan Muslim League-Nawaz o PML-N na si Najeeb Naqi Khan kontra sa kandidato kan Pakistan People’s Party o PPP na si Chaudhry Latif Akbar, matapos makua kan gobyerno an sobra sa kinakailangang 27 boto.
Nangyari an botohan sa ibong kan pagkaantala kan opisyal na iskedyul na itinakda kan Saligang Batas, kasunod kan pagkagadan kan dating presidente na si Sultan Mehmood Chaudhry kan Enero.
Naging kontrobersyal an eleksyon huli ta pitong pwesto sa lehislatura an nagtitiner na bakante, matapos ipagpaliban an botohan sa duwang distrito na naging sentro kan mararahas na protesta asin mga paggadan.
Segun man ki Chief Election Commissioner Justice Ghulam Mustafa Mughal, pormal asin legal an proseso kan paghalal, dawa may mga bakanteng pwesto, tanganing matakluban an haloy nang kakulangan nin pamumuno sa rehiyon.
