Pigtawan duon ni Yeng Constantino na, “IF THERE’S A WILL, THERE’S A WAY.”
Tanganing makaabot sa oras sa US Embassy para sa mahalagang visa appointment para-paraan an singer-songwriter na si Yeng Constantino—asin napiritan pa ining mag-Angkas!
Sa saiyang social media account, ipigheras ni Yeng an nangyari sa saiyang pagpasiring sa embahada para asikasuhon an saiyang US visa, na kaipuhan kaini para sa sunod-sunod niyang mga concert sa Amerika.
Sigon ki Yeng, dai kaini naintindihan an text message kan saiyang handler an inakala kaining alas-nwebe nin aga an call time kaini sa embassy, alagad alas-siete y medya palan.
Huli digdi, naloka asin na-tense si Yeng, lalo na ta sunod-sunod na an follow-up kan saiyang handler. Apwera pa digdi, linaoman man ni Yeng na halaba an pila asin may briefing pa ining aagihan.
Dai na ini nagkaigwa nin ibang pilian kundi mag-book nin Angkas, para dai siya mahuri sa pag-abot sa US Embassy.
Napiritan an singer na magsakay sa likod kan motorsiklo kan rider, na parehong naka-helmet, mantang nagpapangadyi na sana makaabot ini sa oras para sa saiyang appointment asin nakaabot man ini sa tamang oras.
Mientrastanto, igwang mahalagang leksyon man na nanudan si Yeng sa saiyang eksperyensya: Basahon nin marhay an mga text message—lalo na kun importanteng appointment an nakata
