Sinimbag na ni Bicol Saro party-list Representative Terry Ridon an pahayag kan Palasyo na an pagbasura kan impeachment article pwedeng magtao nin kulang na impormasyon sa publiko huli ta naipresentar na sa Senado an mga ebidensya laban ki Vice President Sara Duterte.
Segun ki Ridon, rinerespeto niya an naging pahayag ni Palace press officer Claire Castro kun sain an mga ebidensya sa mga salang gibo kan Bise Presidente naipresentar na sa Senado poon pa kan Hulyo.
An mga nag-agi asin presenteng impeachment articles naipresentar na sa Senate Impeachment Court asin an desisyon nakadepende sa Korte base sa mga ebidensyang iprinisentar.
Enot nang sinabi ni Castro na an pagbasura sa bribery case ki VP Duterte garo paglinlang sa mga Pilipino huli ta aram ninda an bilog na katotoohan.
Enot nang inanunsyo ni Manila Rep. Joel Chue na ibabasura na ninda an bribery case laban ki Duterte.
Naipresentar na kan prosecution an duwang impeachment articles kun sain an saro iyo an pagbabanta ni VP Duterte sa buhay ni Pangulong Ferdinand Marcos Jr., First Lady Liza Marcos asin dating Speaker Martin Romualdez mantang an saro man iyo an salang paggastos kaini nin P612.5-M na confidential fund.
